Fjölmennt lögreglulið í Kúagerði

Lögreglan berst fyrir bættum kjörum og hafa fundahöld verið tíð hjá lögreglumönnum að undanförnu. Skiptir þá engu hvort fundir eru haldnir að næturlagi eða á fjölförnum umferðaræðum. Fjölmennt lögreglulið safnaðist í dag saman í Kúagerði.

Þangað mættu lögreglumenn og -konur frá lögreglunni á Suðurnesjum og af höfuðborgarsvæðinu. Á fundinum bar lögreglufólkið saman bækur sínar um stöðuna í kjaraviðræðum við ríkið og svo hvað næstu dagar bera í skauti sér.

Lögreglan hefur verið mjög sýnileg síðustu sólarhringa og hefur stoppað hundruð bifreiða í umferðarátaki. Þar hafa allir verið til fyrirmyndar og ekki hefur verið skrifuð ein sekt.





Sigvaldi Arnar Lárusson lögreglumaður í viðtali við Stöð 2 í dag.





Þessir héldu um góð lögreglumál á fundinum í dag.



Hluti lögregluflotans í Kúagerði í dag.