Fjölmenni við útför í Njarðvíkurkirkju

Fjölmenni var við útför Jakobs Jóns Kristjáns Snælaugssonar sem fór fram frá Njarðvíkurkirkju nú síðdegis. Jakob var kunnur af störfum sínum hér Suður með sjó og öll börn í Njarðvík þekktu hann, en síðast starfaði hann sem gangavörður í Grunnskóla Njarðvíkur. Þeir sem eldri eru muna eftir honum sem húsverði í Krossinum, hinum eina sanna, en þá var Krossinn íþróttahús. Jakob söng í mörg ár með kirkjukór Njarðvíkurkirkju og var í sóknarnefnd.Jakob Jón Kristján Snælaugsson fæddist á Árbakka, Árskógsströnd 3. júlí 1928. Hann andaðist á Heilbrigðisstofnun Suðurnesja 27. apríl síðastliðinn. Foreldrar hans voru Snælaugur Baldvin Stefánsson f. 18.12. 1981, d. 18.2. 1960 og Kristín Ragnheiður Ágústsdóttir f. 18.1. 1892, d. 17.12. 1935. Systkini Jakobs voru: 1) Stefán Kristinn Snælaugsson f. 27.6. 1916, d. 19.5. 1960, maki Ólafía Halldórsdóttir f. 30.3. 1925. 2) Ólöf Snælaugsdóttir f. 16.7. 1918, maki Þorsteinn Daníelsson f. 28.10. 1913, d. 8.2. 2003. 3) Margrét Ágústa Snælaugsdóttir f. 29.7. 1921, d. 7.7. 1958, maki Marel Þorsteinsson f. 1.8. 1911, d. 20.5. 1983. 4) Eyjólfur Kristinn Snælaugsson f. 2.12. 1924, maki Guðrún Jónasdóttir f. 29.6. 1930, d. 6. 6. 1999.

Jakob kvæntist Önnu Lilju Þorvaldsdóttur frá Vatnsenda í Héðinsfirði f. 3.9. 1931, 29.12. 1960. Foreldrar Önnu voru Ólína Einarsdóttir f. 18.12. 1904, d. 22.11. 1976 og Þorvaldur Sigurðsson f. 27.4. 1899, d. 17.6. 1981. Dætur þeirra eru 1) Ólína Margrét Haraldsdóttir fósturdóttir f. 3.10. 1958, foreldrar: Alma Birgisdóttir f. 26. 5. 1939 og Haraldur Freyr Haraldsson f. 15.2. 1936, d. 1.8. 1999. Maki Hermann Borgar Guðjónsson f. 3. 8. 1958. Börn a) Jakob Hafsteinn f. 10.3. 1976, maki Laufey Bjarnadóttir f. 14.8. 1975. Börn aa) Ólína Erna f. 22.6. 1998 og María Bára f. 5.4. 1994. b) Anna Lilja f. 21.11. 1976, maki Vilhjálmur Sigurðsson, barn bb) Emilía Rún f. 28.2. 1997. 2) Snjólaug Kristín Jakobsdóttir f. 15.8. 1964, kjördóttir, foreldrar: Alma Birgisdóttir f. 26.5. 1939 og Eðvarð Vilmundarson f. 2.10. 1932. Maki Valdimar Örn Valsson f. 20. 7. 1961, börn a) Snædís Anna f. 23. 7. 1991, b) Valdís Lind f. 24.11. 1999, c) Margrét Birna f. 9.4. 1985.

Þegar Jakob hóf störf vann hann norður á Árskógsströnd við beitningar og til sjós. Hann fluttist til Innri-Njarðvíkur árið 1950 og bjó þar alla tíð síðan. Hann vann í Hraðfrystihúsi Innri-Njarðvíkur fyrstu árin, varð síðan húsvörður í Krossinum í Njarðvík sem þá var íþróttahús. Vann síðan á sprautuverkstæði Brynleifs Jóhannessonar og Karls Sigtryggsonar og síðan á sprautuverkstæði Steinars Ragnarssonar. Að lokum vann hann við Grunnskóla Njarðvíkur sem gangavörður þar til hann lét af störfum. Jakob söng í mörg ár með kirkjukór Innri-Njarðvíkur ásamt því að sitja í sóknarnefnd.