Fjölmenni á Erlingskvöldi
Fjölmenni kom saman í Listasafni Reykjanesbæjar á hinu árlega Erlingskvöldi Bókasafns Reykjanesbæjar síðasta fimmtudagskvöld. Kvöldið er helgað listamanninum Erlingi Jónssyni sem fagnaði nýlega 75 ára afmæli sínu.
Boðið var upp á upplestur og tónlistaratriði auk þess sem ýmsir ræðumenn stigu á stokk og fluttu ávarp. Þeirra á meðal var Karl Steinar Guðnason, sem rifjaði upp nokkur skemmtileg atvik úr bernsku sinni þegar Erlingur kenndi honum í Barnaskóla Keflavíkur. Síðar tók Erlingur sjálfur til máls og ávarpaði viðstadda og þá var afsteypa af Laxness-fjöðrinni afhent þeim nemendum úr Myllubakkaskóla sem skáru framúr í ritgerðarsamkeppni.
VF-mynd/Þorgils
