Fjölgun í Tónlistarskóla Reykjanesbæjar

Nemendum í Tónlistarskóla Reykjanesbæjar hefur fjölgað nokkuð frá síðasta ári og eru margir á biðlista. Nemendur í forskóla Tónlistarskóla Reykjanesbæjar eru nú 343 talsins en sú kennsla fer fram innan grunnskólanna. Nemendur í almennu hljóðfæra- og söngnámi eru 303 sem er 7% fjölgun frá árinu áður.  Alls eru kenndar um 500 kennslustundir á viku í tónlistarskólanum og eru kennarar 35 í 25 stöðugildum.
Skipuð hefur verið prófanefnd tónlistarskóla vegna fyrirhugaðra grunn- og miðprófa skv. nýrri námskrá en gert er ráð fyrir samræmingu á námsmati fyrir allt landið í vor. Frá þessu er greint á vef Reykjanesbæjar.