Fjölbreytt þjóðhátíðardagskrá í dag

Fjölbreytt dagskrá verður af tilefni Þjóðhátíðardags í dag í Reykjanesbæ, Garði, Sandgerði og Grindavík.

Skrúðgangan í Reykjanesbæ leggur af stað frá Keflavíkurkirkju eftir skátaguðþjónustu sem hefst kl. 12.30. Kl. 14 hefst svo skipulögð dagskrá í skrúðgarðinum í Keflavík, en einnig verður opið á öll söfn bæjarins. Skemmtidagskrá mun standa fram á kvöld.

Í Sandgerði og Garði hefjast hátíðarhöld kl. 14. Í Sandgerði verður dagskráin við Vörðuna, en  við Íþróttamiðstöðina í Garðinum.

Í Grindavík hófst dagskráin með hátíðarguðþjónustu í morgun, en skrúðganga fer frá Saltfisksetrinu kl. 14. Margs konar atriði verða svo fram eftir degi og ættu allir að geta fundið sér eitthvað við sitt hæfi.