Fjölbreytt og skemmtilegt blað frá Víkurfréttum

Víkurfréttir eru komnar út. Í blaði vikunnar er fjölbreytt efni. Við fórum í 30 ára afmæli hjá Félagi eldri borgara á Suðurnesjum og í undanförnum blöðum höfum við sagt frá undirbúningi Fyrsta kossins en það er nafnið á nýjum söngleik Leikfélags Keflavíkur sem fagnar 60 ára afmæli á árinu. Að þessu sinni er rætt við aðalleikara sýningarinnar. Starfsemin hjá báðum þessum aðilum er til fyrirmyndar og sömuleiðis hjá Tónlistarskóla Grindavíkur sem hefur farið aðra leið í kennsluaðferðum. Í blaðinu er ítarlegt viðtal við skólastjórann en skólinn er tilnefndur til Íslensku menntaverðlaunanna. Við kynnum okkur einnig grænker í Njarðvíkurskóla. Þá eru fastir liðir á sínum stað og myndarleg íþróttaumfjöllun.