Fjarfundarbúnaði stolið

Fjarfundabúnaði var stolið frá Miðstöð símenntunar á Suðurnesjum undir lok síðustu viku. Fjarfundabúnaðurinn er notaður af háskólanemendum sem
stunda fjarnám. Að sögn Guðjónínu Sæmundsdóttur forstöðumanns Miðstöðvar símenntunar er þetta mjög slæmt þar sem þessi búnaður gerir
nemendum hér á Suðurnesjum kleift að stunda nám við Háskóla annars staðar á landinu. Þessi búnaður er sérhæfður og dýr og nýtist eingöngu
í fjarkennslu. Þeir sem geta gefið einhverjar upplýsingar um búnaðinn er bent á að hafa samband við Lögregluna í Keflavík.