Fíkniefni og áhöld fundust við húsleit

Lögreglan í Keflavík framkvæmdi húsleit í Reykjanesbæ í gærkvöld og fundust þar nokkurt magn af tækjum til fíkniefnaneyslu og lítilræði af hassi. Málið telst upplýst.

Í nótt var einnig tilkynnt um rúðubrot í Íþróttahúsinu við Sunnubraut í Keflavík. Búið var að brjóta tvær rúður í anddyri hússins. Ekki er vitað hver eða hverjir voru þarna að verki.

Tveir ökumenn voru kærðir fyrir of hraðan akstur á Reykjanesbraut í gær. Sá er ók hraðast var á 128 km hraða.

Þá voru höfð voru afskipti af ökumanni bifreiðar en hann var með tæki til fíkniefnaneyslu og einhverjar leifar af efnum. Málið telst upplýst.