Ferþegarnir úr vél BA áfram til Baltimore í dag

167 úr Boeing 767-300, frá British Airways,  sem nauðlenti á Keflavíkurflugvelli í gærkvöld fara áfram til Baltimore með annarri vél í dag.  Skoðun á vélinni hefur ekki leitt í ljós hversvegna reykur fannst í miðju farþegarými hennar í gær en hún lenti í Keflavík á sjöunda tímanum.
Farþegarnir gistu í nótt á tveimur Hótelum í Reykjavík en verða sóttir klukkan hálftíu. Vél frá Britiish Airways kemur frá Lundúnum og flýgur áfram með þá til Balimore klukkan hálfeitt.
Vélin sem nauðlenti hefur verið skoðuð í Keflavík í nótt en skoðunin ekki leitt í ljós hvers vegna reykurinn kom upp. Flugvélin verður því ferjuð til Lundúna síðar í dag og skoðuð þar frekar.