Ferskir vindar tilnefndir til Eyrarrósarinnar

Listahátíðin Ferskir vindar er tilnefnd til Eyrarrósarinnar í ár. Ferskir vindar er listahátíð sem haldin er annað hvert ár í Garði. Eyrarrósin er viðurkenning sem veitt er framúrskarandi menningarverkefni á starfssvæði Byggðastofnunar. Hún beinir sjónum að og hvetur til menningarlegrar fjölbreytni, nýsköpunar og uppbyggingar á sviði menningar og lista. Að verðlaununum standa Byggðastofnun, Flugfélag Íslands og Listahátíð í Reykjavík.

Tilkynnt verður 2. febrúar næstkomandi hvaða þrjú verkefni hljóta tilnefningu til verðlaunanna. Eitt þeirra hlýtur að lokum Eyrarrósina, 1.650.000 krónur og flugferðir innanlands frá Flugfélagi Íslands og hin tvö verkefnin hljóta peningaverðlaun og flugferðir frá Flugfélagi Íslands.

 

Eftirfarandi tíu verkefni eiga möguleika á að hljóta Eyrarrósina í ár

 

Act Alone

Að - þáttaröð N4

Barokksmiðja Hólastoftis

Eldheimar

Ferskir vindar

Northern Wave

Reitir

Rúllandi snjóbolti

Sauðfjársetur Ströndum

Verksmiðjan á Hjalteyri