Ferskir Vindar í Garði verða vorið 2012

Bæjarráð Garðs hefur lagt til að bæjarstjóra og formanni ferða,- safna- og menninganefndar verði falið að undirbúa Listaverkefnið Ferskir Vindar í Garði sem áætlað er að haldið í maí og júní árið 2012 og leggi fram tillögur um verkefnið og kostnað bæjarfélagsins fyrir fjárhagsáætlun ársins 2012.

Nauðsynlegt er að gefa listamönnum sem hyggjast taka þátt í verkefninu tíma til að gera ráðstafanir svo þeir geti mætt næsta vor, segir í fundargerð bæjarráðs Garðs þar sem jafnframt kemur fram að verkefnið var rekið undir sérstakri kennitölu óháð rekstri bæjarins.