Ferðaþjónusta orðin stærsta starfsgreinin í Reykjanesbæ

Í nýrri könnun MMR, sem unnin er fyrir Atvinnu- og hafnasvið Reykjanesbæjar kemur fram að ferðaþjónusta og samgöngur eru í mikilli sókn og eru nú orðin stærsta starfsgrein íbúanna. Könnunin er unnin í samræmi við aðferðarfræði MMR.

Alls  eru 19,6% starfandi íbúa Reykjanesbæjar við ferðaþjónustu og samgöngur.

„Þetta er talsvert hröð þróun frá því vor en þá voru tæplega 17% starfandi íbúa við þessa grein“. Segir Árni Sigfússon bæjarstjóri.

„Það á þó ekki að koma á óvart því fjölgun í ferðaþjónustu hefur verið mikil á þessu sumri og vonandi að störfin haldist lengur út árið en verið hefur undanfarin ár.

Næst stærsta atvinnugreinin tengist fræðslu, þjálfun og menningarstarfsemi með um 14,9% starfandi íbúa.