Ferðamaður á 155 kílómetra hraða á Reykjanesbraut

Rúmlega tuttugu ökumenn voru kærðir í vikunni fyrir of hraðan akstur í umdæmi lögreglunnar á Suðurnesjum. Sá sem hraðast ók reyndist vera erlendur ferðamaður og mældist bifreið hans á 155 kílómetra hraða á Reykjanesbraut þar sem hámarkshraði er 90 km. á klukkustund. Hann þurfti að greiða 130 þúsund krónur í sekt fyrir vikið.

Þá voru tveir ökumenn réttindalausir og allnokkrir staðnir að því að leggja bifreiðum sínum ólöglega.