Ferð Kínaforseta: Falungong-liðar handteknir í Keflavík

Fjölmennt lið lögreglumanna frá Keflavík og Keflavíkurflugvelli er nú við Njarðvíkurskóla þar sem hópur Falungong-liða hefur verið lokaður inni. Handtaka þeirra tengist ferðum forseta Kína. Falungong-liðarnir voru fluttir með rútu SBK frá Leifsstöð að skólanum. Þar var þeim vísað inn í skólann af lögreglumönnum.Það vakti hins vegar athygli að um leið og fólkinu hafði verið vísað inn í skólann var því vísað út aftur. Þetta gerðist nokkrum sinnum og fyrir þá sem ekki vissu hvað var í gangi var málið allt hið undarlegasta. Þarna var verið að taka upp atriði í næsta áramótaskaupi Sjónvarpsins, sem eins og svo oft áður mun taka á helstu þjóðmálum frá líðandi ári.