Fengu mann ársins óvænt um borð

Hópur Suðurnesjamanna á leið til Vestmannaeyja með Herjólfi fékk óvænta heimsókn nú áðan þegar Guðmundur Ragnar Magnússon, stýrimaður og sigmaður hjá Landhelgisgæslunni og maður ársins 2018 á Suðurnesjum, birtist óvænt um borð í ferjunni.

 

Áhafnir á þyrlum Landhelgisgæslunnar æfa reglulega með Herjólfi þegar hann er á siglingu milli lands og Eyja. Í dag var æft sig úr þyrlunni og niður á brúarþak Herjólfs.

 

Sigurbjörn Arnar Jónsson smellti af þessum myndum og sendi til Víkurfrétta.

Ef eitthvað áhugavert verður á vegi lesenda vf.is þá má senda okkur myndir á póstfangið [email protected].