Fellihýsi losnaði aftan úr bifreið og rann á aðra

Umferðaróhapp varð í umdæmi lögreglunnar á Suðurnesjum í gær er fellihýsi losnaði aftan úr bifreið og hafnaði á annarri sem var nærri. Engin slys urðu á fólki.

 

Á föstudag varð umferðarslys þegar bifreið var ekið aftan á aðra á Reykjanesbraut. Fyrrnefnda bifreiðin hafnaði utan vegar á vegriði. Ökumaður hennar var grunaður um ölvunarakstur.

 

Ökumaður bifreiðarinnar sem ekið var aftan á slasaðist og þurfti að sauma nokkur spor í andlit hans til að loka skurði sem hann hlaut við aftanákeyrsluna.

 

Fleiri umferðaróhöpp hafa orðið á undanförnum dögum, en þau hafa verið minni háttar og engin teljandi slys á fólki.