Fáum byggingarlóðum skilað
Framkvæmdir við nýja leikskólann í Vogum ganga vel. Það er fyrirtækið Virki ehf. sem reisir leikskólann. Byggingaframkvæmdir eru einnig komnar af stað á „norður Vogasvæðinu“ en þar eru þrjú fyrstu húsin að rísa.
Að sögn Finnboga Kristinssonar, tómstundafulltrúa í Vogum, hefur fáum lóðum verið skilað aftur af umsækjendum og lítur út fyrir að byggingaframkvæmdir fari á fulla ferð með hækkandi sól.
Vogar eru barnvænn bær og hefur mikil áhersla verið lögð á að búa vel að börnum og unglingum. Skýrustu dæmin um það eru framkvæmdir við grunnskólann og bygging nýja leikskólans. Foreldrar í Vogum hafa verið duglegir við að sinna sínu hlutverki á þessum sviðum enda byggist uppbyggingastarf fyrst og fremst á framlagi þeirra.
„Gamla Essohúsið er að taka við hlutverki félagsmiðstöðvar og er verið að leggja síðustu hönd á þær breytingar sem gerðar verða þar“, segir Finnbogi en Vatnsleysustrandarhreppur boðar til forvarnafundar með foreldrum og fulltrúum frá lögreglu og fleirum 8. febrúar nk. og verður m.a. komið inn á foreldrarölt, útivistartíma og önnur skyld málefni.
Að sögn Finnboga Kristinssonar, tómstundafulltrúa í Vogum, hefur fáum lóðum verið skilað aftur af umsækjendum og lítur út fyrir að byggingaframkvæmdir fari á fulla ferð með hækkandi sól.
Vogar eru barnvænn bær og hefur mikil áhersla verið lögð á að búa vel að börnum og unglingum. Skýrustu dæmin um það eru framkvæmdir við grunnskólann og bygging nýja leikskólans. Foreldrar í Vogum hafa verið duglegir við að sinna sínu hlutverki á þessum sviðum enda byggist uppbyggingastarf fyrst og fremst á framlagi þeirra.
„Gamla Essohúsið er að taka við hlutverki félagsmiðstöðvar og er verið að leggja síðustu hönd á þær breytingar sem gerðar verða þar“, segir Finnbogi en Vatnsleysustrandarhreppur boðar til forvarnafundar með foreldrum og fulltrúum frá lögreglu og fleirum 8. febrúar nk. og verður m.a. komið inn á foreldrarölt, útivistartíma og önnur skyld málefni.
