Fauk á hliðina í slippnum
– stormur í Reykjanesbæ
Vonin KE 10 fauk á hliðina í slippnum hjá Skipasmíðastöð Njarðvíkur nú áðan. Eins og flestum ætti að vera ljóst er verulega slæmt veður á Suðurnesjum núna og stormur.
Í snarpri vindkviðu lagðist Vonin á hliðina. Bátur sem stendur við hliðina mun einnig standa tæpt og bíða menn þar til vind lægir til að huga frekar að bátunum.
Vonin KE er þjónustubátur fyrir köfunarverkefni og var í slippnum til viðhalds.
Meðfylgjandi myndir tók ljósmyndari Víkurfrétta á vettvangi nú áðan.
