Fasteignagjöld hækkuðu mest í Reykjanesbæ
Samkvæmt svari félagsmálaráðherra við fyrirspurn Einars K. Guðfinnssonar, þingmanns Vestfirðinga um tekjur sveitarfélaga af fasteignagjöldum, voru þessi gjöld árið 1999 hæst í Reykjavík, en á undanförnum árum hefur verulega dregið saman með sveitarfélögum landsins. Af stærstu sveitarfélögunum á suðvesturhorninu hafa fasteignagjöldin hækkað langmest í Reykjanesbæ. Þetta kemur fram á visir.is
Svarið ber með sér að í landinu öllu hafi heildarupphæð fasteignagjalda, vatnsgjalds, holræsagjalds, sorphreinsunargjalds og lóðaleigu verið að meðaltali 40.964 krónur á íbúa, þar af 45.674 í Reykjavík og var borgin því 11,5% yfir landsmeðaltali. það hlutfall var hins vegar 18,2% árið 1995 og fer munurinn því mjög minnkandi. Um leið kemur fram að milli áranna 1995 og 1999 hækkuðu þessi gjöld á íbúa í Reykjavík um 3,9%, en um 10,1% í landinu öllu, um 13,5% í Hafnarfirði, 7,8% á Akureyri og um 25,9% í Reykjanesbæ.
Svarið ber með sér að í landinu öllu hafi heildarupphæð fasteignagjalda, vatnsgjalds, holræsagjalds, sorphreinsunargjalds og lóðaleigu verið að meðaltali 40.964 krónur á íbúa, þar af 45.674 í Reykjavík og var borgin því 11,5% yfir landsmeðaltali. það hlutfall var hins vegar 18,2% árið 1995 og fer munurinn því mjög minnkandi. Um leið kemur fram að milli áranna 1995 og 1999 hækkuðu þessi gjöld á íbúa í Reykjavík um 3,9%, en um 10,1% í landinu öllu, um 13,5% í Hafnarfirði, 7,8% á Akureyri og um 25,9% í Reykjanesbæ.
