Falla frá fyrirhugaðri launahækkun bæjarfulltrúa
Bæjarráðsfulltrúar í Reykjanesbæ samþykktu samhljóða á fundi bæjarráðs 1. júní að falla frá fyrirhuguðum launahækkunum samfara hækkun þingfararkaups.
Samkvæmt samningum ættu laun bæjarfulltrúa Reykjanesbæjar að hækka í samræmi við þingfararkaup í júlí nk. Launin eru hlutfall af launum þingmanna og eru hlutastörf.
