Bygg
Bygg

Fréttir

Fáir ölvaðir unglingar í Reykjanesbæ
Hraust ungmenni úr Reykjanesbæ.
Þriðjudagur 3. júní 2014 kl. 09:19

Fáir ölvaðir unglingar í Reykjanesbæ

- helmingi færri en á landsvísu.

Einungis þrjú prósent nemenda í 10. bekk Reykjanesbæ hafa orðið ölvaðir síðastliðna 30 daga, eða helmingi færri en gengur og gerist á landsvísu. Sama hlutfall nemenda í Reykjanesbæ í 10. bekk, eða þrjú prósent, segjast hafa notað marijúana einu sinni eða oftar um ævina. Til samanburðar hafa sex prósent nemenda á sama aldri á höfuðborgarsvæðinu notað marijúana. Þessar upplýsingar eru meðal þess sem kemur fram í rannsókn sem gerð var í ár fyrir Reykjanesbæ af fyrirtækinu Rannsókn og greining.

Gylfi Jón Gylfason fræðslustjóri skýrir litla vímuefnaneyslu nemenda í 10. bekk með góðu forvarnarstarfi, kröftugu starfi kennara innan skólanna og góðu samstarfi heimila og skóla. „Kennararnir okkar eru að skila góðu starfi á öllum sviðum, líka í forvörnum. Við viljum að unglingarnir okkar séu vel undirbúnir undir framhaldsskólann þegar þeir útskrifast frá okkur. Heilbrigt viðhorf til vímuefna er hluti af því.“ 

Bílakjarninn
Bílakjarninn