Fá undanþágu til að reka sameiginlega eldsneytisafgreiðslustöð á Keflavíkurflugvelli

Samkeppnisráð hefur veitt stóru olíufélögunum þremur, Olíufélaginu, Olíuverzlun Íslands og Skeljungi, undanþágu til að reka sameiginlega afgreiðslustöð á Keflavíkurflugvelli að því fram kemur á vefsíðu Morgunblaðsins. Fyrir þessu setur samkeppnisráð þó ströng skilyrði, svo sem að rekstur félags sem rekur afgreiðslustöðina skuli að fullu vera aðskilinn frá rekstri olíufélaganna þriggja.

Í ákvörðun samkeppnisráðs um ólögmætt samráð olíufélaganna var þeim fyrirmælum beint til olíufélaganna þriggja, að leggja af viðskiptalega samvinnu í tengslum við sölu á fljótandi eldsneyti á Keflavíkurflugvelli. Þessi fyrirmæli skyldu koma til framkvæmda eigi síðar en sex mánuðum eftir að fyrrnefnd ákvörðun var tekin.

Olíufélögin óskuðu eftir undanþágu frá samkeppnislögum til rekstrar Eldsneytisafgreiðslunnar á Keflavíkurflugvelli ehf. og hefur samkeppnisráð nú fallist á það með skilyrðum.