Eysteinn hættir sem bæjarfulltrúi

Eysteinn Jónsson, bæjarfulltrúi A-listans í Reykjanesbæ, hættir sem slíkur nú um áramótin þegar hann tekur við starfi útibússtjóra Landsbankans á Snæfellsnesi. Varamaðurinn Guðný Kristjánsdóttir tekur sæti hans í bæjarstjórn.
Eysteinn tilkynnti á flokksfundi Framsóknar nú í haust að hann gæfi ekki kost á sér til áframhaldandi setu í bæjarstjórn. Eysteinn og Rakel Þorsteinsdóttir kona hans eiga fimm börn, þau yngstu nokkurra vikna gamla tvíbura. Fjölskyldan býr sig nú undir búferlaflutninga vestur.