Eykt klárar brúarsmíðina

Vegagerðin og Eykt ehf. skrifuðu undir samning í gær þess að efnis að Eykt ljúki smíði brúa vegna mislægra gatnmóta á Reykjanesbrautinni. Verkið mun hefjast um miðjan mars. Tvær brýr eru eftir á þeim níu kílómetra langa kafla sem bíður tvöföldunar. Morgunblaðið greinir frá þessu á mbl.is nú í morgun.

Vegagerðin segir, að brýrnar séu við mislæg gatnamót við Stapahverfi og Njarðvík. Reiknað er með að fyrri brúarsmíðinni ljúki 5. júlí og þeirri seinni í september/október. Eykt tekur einnig að sér frágang þeirra brúa sem þegar er búið að steypa upp.

Aðrir þættir verksins, jarðvinna og lagning bundins slitlags verða boðnir út á næstu dögum.