Eru rolla og lamb á beit í garðinum hjá þér?

Lögregluna á Suðurnesjum vantar aðstoð íbúa Reykjanesbæjar við leit. „Við leitum að móður og barni sem eru í stroki. Þau struku frá Grófinni og sáust síðast við Heiðarholt þar sem þau voru á beit og voru alsæl á ferðinni þar,“ segir á fésbók lögreglunnar sem er þessa stundina að leita að rollu og lambi „sem eru á ferðinni í efri byggðum Reykjanesbæjar“.

Endilega verið í bandi við lögregluna ef það er rolla og lamb á ferðinni í garðinum hjá ykkur, segir í tilkynningu.