Erling KE dreginn í land

Erling KE frá Reykjanesbæ varð vélarvana suðaustur af Malarrifi á Snæfelllsnesi í gær. Skipið var dregið í land af varðskipi og kom til lands í Hafnarfirði um fjögurleytið í nótt að því er kemur fram á Vísi.is.

Mikið hvassviðri og töluverður sjógangur var á svæðinu og brast fyrsta taugin sem komið var á milli skipanna. Sú seinni var sterkari og hélt alla leiðina. Níu manns voru í áhöfninni og voru þeir aldrei í hættu.

VF-mynd/elg - Úr lest Erling KE