Erilsöm nótt hjá lögreglu

Lögregla fékk tilkynningu um blóðugan mann sem lá rænulítill á gangstétt fyrir utan skemmtistað í Keflavík um kl. 4 í nótt. Var hann með áverka í andliti og var fluttur með sjúkrabifreið til Reykjavíkur til nánari skoðunar. Meintur árásaraðili var handtekinn og vistaður í fangaklefa og verður yfirheyrður síðar.

Nokkur erill var hjá lögreglu í nótt þar sem m.a. var nokkuð um pústra þar sem lögregla náðií einu tilviki að stilla til friðar áður en til frekari átaka kom. Þá var fjórum aðilum var ekið heim sökum ölvunar. Voru tveir þeirra ofurölvi og bjarglausir.

Loks sinnti lögregla einu hávaðaútkalli í heimahúsi í Keflavík.