Erill lögreglu um Páskahelgina

Töluverður erill var hjá Lögreglunni í Keflavík um nýliðna páskahelgi. Á föstudaginn langa hafði lögreglan afskipti af 16 ára dreng sem var að aka réttindalaus á númerslausri bifreið í malarnánum utan Grindavíkur. Seinnipart föstudagsins var tilkynnt um innbrot í raftækjaverslun á Hafnargötunni en þaðan hafði verið stolið stafrænum myndavélum. Að kvöldi föstudagsins langa stöðvaði lögreglan tvo menn á bifreið sinni á Víkurbraut í Keflavík, en við leit í bifreiðinni fannst töluvert magn af hassi og amfetamíni. Mennirnir voru færðir í fangageymslu en sleppt að loknum yfirheyrslum.Aðfararnótt laugardagsins var tilkynnt um að tvær rúður hefðu verið brotnar í húsi við Suðurgötu. Um fimmleytið var tilkynnt um slagsmál við Aðalstöðina en þegar lögregla kom á vettvang voru þau afstaðin. Lögreglumenn komu að ofurölvi stúlku sem lá á akbrautinni á Tjarnargötu við Kirkjuveg. Stúlkan var færð á lögreglustöðina og haft var samband við foreldra hennar. Á laugardagsmorgun var lögreglu tilkynnt um skemmdarverk á sex óskráðum bifreiðum í Njarðvík en rúður höfðu verið brotnar í bifreiðunum. Bifreið var stolið við Heiðarholt. Bifreiðin sem er af gerðinni Mitsubishi Lancer blá að lit er með skráningarnúmerið OP-409.

Aðfararnótt páskadags var tilkynnt um líkamsárás á veitingastað í Keflavík sem taldi sig hart leikinn af dyraverði staðarins.

Lögreglan í Keflavík tók við 17 ára pilti sem hafði verið stöðvaður af Lögreglunni í Keflavík þar sem hann var á stolnum bíl með númeraplötum sem stolið var af bifreið í Njarðvík. Var drengurinn vistaður í fangageymslum og yfirheyrður en sleppt að þeim loknum.

Að kvöldi Páskadags var tilkynnt um innbrot í hús við Heiðarból en íbúar þar voru fjarverandi í sumarbústað. Í innbrotinu var stolið myndbandstæki, myndavél og haglabyssu. Myndavélin fannst í stolnu bifreiðinni sem Lögreglan í Kópavogi stöðvaði.

Föstudagurinn langi 18. apríl 2003.

Kl. 14:20 höfðu lögreglumenn afskipti af 16 ára pilti þar sem hann var að aka réttindalaus númerslausri bifreið í málarnámunum í Hrauni utan við Grindavík.

Kl. 16:10 höfðu lögreglumenn afskipti af tveimur 14 ára drengjum þar sem þeir voru að aka númerslausum torfærubifhjólum réttindalausir í málarnámunum í Hrauni utan við Grindavík.

Kl. 17:08 var tilkynnt um innbrot í raftækjaverslun á Hafnargötu í Keflavík. Brotist var inn í verslunina síðastliðna nótt. Stafrænar myndavélar voru meðal þess sem var stolið.

Kl. 17:58 var tilkynnt um þjófnað á veski úr búningsklefa í Bláalóninu. Finnskur ríkisborgari varð fyrir barðinu á þjófinum. Finninn hafði brugðist sér aðeins frá opnum skápi þar sem fötin hans voru og veskið. Í millitíðinni hvarf veskið.

Kl. 20:15 höfðu lögr.m. afskipti að tveimur mönnum í bifreið á Víkurbraut í Keflavík vegna gruns um fíkniefnamisferli. Voru þeir handteknir og færðir á lögreglustöð, ásamt bifreið þeirra. Við leit í bifreiðinni fundust ca. 30 grömm af meintu amfetamíni og ca. 15 grömm af meintu hassi. Við leit á mönnunum fannst lítill hassmoli á öðrum þeirra. Þeir voru báðir færðir í fangageymslu en sleppt að lokinni yfirheyrslu.

Laugardagurinn 19. apríl 2003.

Kl. 02:44 var tilkynnt um minnihátttar umferðaróhapp á Hafnargötu í Keflavík. Hafði bifreið þar bakkað á kyrrstæða bifreið.

Kl. 03:24 var útkall í hús í Grindavík og var þar um heimiliserjur að ræða.

Kl. 03:57 voru brotnar tvær rúður með grjótkasti í húsi við Suðurgötu í Keflavík. Ekki náðust þeir sem þar voru að verki.

Kl. 05.00 var tilkynnt um slagsmál við Aðalstöðina. Er lögr.m. komu á staðinn voru slagsmálin yfirstaðin en til einhverra ýfinga hafði komið með Íslendingum og Bandaríkjamönnum.

Kl. 05:35 komu lögr.m. þar að á Suðurgötu í Keflavík þar sem ölvaður maður sat inni í bifreið og búið að brjóta afturrúðu hennar. Maðurinn var blóðugur á höndum en neitaði að hafa brotið rúðuna. Hann gat ekki gefið skýringu á veru sinni í bifreiðinni og var hann handtekinn og látinn sofa úr sér í fangageymslu.

Kl. 05:45 komu lögr.m. að ofurölvi stúlku sem lá á akbrautinni á Tjarnargötu við Kirkjuveg. Stúlkan var færð á lögreglustöð og henni síðan ekið heim eftir að samband hafði verið haft við foreldra hennar.

Kl. 05:03 var útkall í hús í Keflavík en þar hafði komið upp ósætti milli húsráðanda og gests sem þar var.

Einn ökumaður var kærður fyrir að nota ekki öryggisbelti.


Kl. 11:02 var tilkynnt um skemmdarverk á bifreiðum í Njarðvík. Þar var búið að brjóta rúður í sex óskráðum bifreiðum. Líklegt er að skemmdarverkin hafi átt sér stað í nótt sem leið.

Kl. 11:15 var tilkynnt um nytjastuld á bifreið. Bifreiðin OP-409 hafði verið tekin ófrjálsri hendi fyrir utan hús á Heiðarholti í Keflavík. Um er að ræða 1990 árgerð af Mitsubishi Lancer bláa að lit. Leit lögreglu af bifreiðinni hefur ekki borið árangur.

Kl. 12:35 var tilkynnt um þjófnað á skráningarnúmerum sem voru á bifreið í Njarðvík. Munu það vera skráningarnúmerin LR-307 en þau voru á Daihatsu Charade árgerð 1990.

Kl. 12:46 var á ný tilkynnt um þjófnað á skráningarnúmerum sem einnig voru á bifreið í Njarðvík. Um var að ræða skráningarnúmerin JK-158 en þau tileyrðu Mitsubishi Lancer árgerð 1989.

Kl. 16:05 var tilkynnt um þjófnað á GSM síma úr bifreið. Hafði verið farið inn í bílskúr við Faxabraut í Keflavík og þaðan í bifreiðina.

Tvær bifreiðar voru stöðvaðar á Reykjanesbraut vegna hraðaksturs. Báðar voru þær stöðvaðar þar sem hámarkshraði er 90 km. Önnur var mæld á 113 km hraða en hin á 115 km hraða.

Kl. 19:42 var árekstur tveggja bifreiða á gatnamótum Hafnargötu og Flugvallavegar. Ekki meiðsl á fólki en nokkrar skemmdir á ökutækjum.

Kl. 21:35 var tilkynnt um tvö fjórhjól á ferð á Vatnsleysustrandarvegi. Lögr.m. sem fóru á staðinn urðu ekki varir við hjólin.

Sunnudagur 20. apríl 2003.

Kl. 02:36 var tilkynnt um líkamsárá á veitingastað í Keflavík. Þar hafði einn gestanna talið sig hart leikinn af dyraverði. Hann afþakkaði aðstoð við að leita læknis.

Kl. 02:50 var tilkynnt um árekstur á gatnamótum Vallargötu og Klapparstígs í Keflavík og var það minniháttar tjón.

Kl. 05:55 var tilkynnt um þrjá pilta að skemma bekk við Hafnargötu 57. Þar hafði ein fjöl í bekknum verið brotin en piltarnir fundust ekki.

Einn ökumaður var tekinn á Reykjanesbraut grunaður um ölvun við akstur.

Einn ökumaður var kærður fyrir hraðakstur á Reykjanesbraut.

Fátt bar til tíðinda á dagvaktinni. Einn ökumaður var kærður fyrir hraðakstur á Reykjanesbraut. Mældur á 123 km þar sem hámarkshraði er 90 km. Rautt kvenmannsreiðhjól var tekið í vörslu lögreglunnar í dag. Hjólið hafði verið í reiðileysi á göngustíg milli Greniteigs og Birkiteigs í Keflavík.

Kl. 17:45 fóru lögr.m. á móti lögreglunni í Kópavogi og sóttu 17 ára pilt sem hafði verið handtekinn þar á sunnudagsmorgun þar sem hann var á stolnum bíl og með stolnar númeraplötur á bílnum. Bílnum hafði verið stolið í Kópavogi síðdegis s.l. föstudag og númeraplötunum stolið af bíl í Njarðvík. Að lokinni veru í fangageymslu og yfirheyrslu hjá lögreglunni í Kópavogi var hann afhentur lögreglunni hér. Var hann færður í fangageymslu en sleppt á sunnudagskvöld að lokinni yfirheyrslu.

Kl. 19:25 var tilkynnt um innbrot og þjófnað í hús við Heiðarból en íbúar þar voru fjarverandi í sumarbústað. Hafði verið farið inn um glugga og stolið Sharp myndbandstæki og fjarstýringu, Olympus 35 mm. myndavél og Winchester haglabyssu í grænni byssutösku. Mun innbrotið hafa átt sér stað aðfaranótt s.l. laugardags. Myndavélin og fjarstýringin voru munir þeir sem fundust í stolnu bifreiðinni í Kópavogi.

Kl. 23:50 var tilkynnt um slagsmál í verbúð við Strandgötu í Sandgerði en þau voru yfirstaðin er lögreglum. komu á staðinn.

Mánudagurinn 21. apríl 2003.

Kl. 00:32 stöðvaði lögreglan bifreið á Njarðarbraut . Grunur komu upp um fíkniefnamisferli og á pilti, sem var farþegi í bifreiðinni, fundust fíkniefni ca. 3 grömm af amfetamíni og 2 E-pillur. Var pilturinn handtekinn og færður á lögreglustöð en sleppt að lokinni yfirheyrslu.

Þrír ökumenn voru kærðir fyrir of hraðan akstur, tveir á Reykjanesbraut og einn á Grindavíkurvegi. Sá sem hraðast ók var á 130 km. hraða.

Einn ökumaður var kærður fyrir stöðvunarskyldubrot.

Þriðjudagur 22. apríl 2003

Rólegt var á næturvaktinni og bar ekkert fréttnæmt á góma.