Er skessan að fara á ball?

Risastórar bleikar blúndunærbuxur vöktu athygli við Stapann í Njarðvík. Unga kynslóðin í bænum var fljót að leysa ráðgátuna. Skessan í hellinum var að hengja út þvottinn sinn. Ein fimm ára sagði reyndar að skessan væri að fara á ball í Stapa meðan önnur á svipuðum aldri sagði að það væri skessuhátíð í Reykjanesbæ um næstu helgi.

Nærbuxurnar rúmgóðu tilheyra hljómsveitinni Greifunum sem verður á dansleik í Stapa í kvöld, laugardagskvöld.