Enn skelfur við Grindavík
Nokkrir jarðskjálftar mældust í nágrenni Grindavíkur í gær, þar af var einn skjálfti sem var 2,3 að stærð og fannst í Grindavík. Áfram mælist jarðskjálftavirkni á Reykjanesskaga en undanfarið hefur dregið töluvert úr virkninni.
Þessi jarðskjálftavirkni verður vegna aflögunar á svæðinu en talið er að líklegasta skýringin á henni séu kvikuinnskot í jarðskorpunni.
Síðan um miðjan apríl hefur ekki mælst landris við Þorbjörn en áfram gætir dálitilla landbreytinga á stærra svæði. Óvissustig vegna landriss er enn í gildi hjá Almannavarnadeild Ríkislögreglustjóra.
