Enn fleiri teknir undir áhrifum

Rólegt var hjá lögreglu í gær og í nótt en þó voru þrír teknir fyrir akstur undir áhrifum fíkniefna, tveir í gær og einn í nótt.

Þannig hafa 39 ökumenn verið teknir í umdæmi lögreglu í marsmánuði fyrir þessar sakir, en stöðug fjölgun hefur verið í þessum málaflokki, ekki síst vegna nýs tækjabúnaðar sem gerir lögreglu kleift að greina fíkniefni í ökumönnum á vettvangi.

Ekki þarf að fjölyrða um það að viðkomandi bíður sekt og ökuleyfismissir auk þess sem að flestir þurfa að koma fyrir dómara áður en máli lýkur.

VF-mynd úr safni