Enn einn áreksturinn á Reykjanesbraut við Stekk
Enn einn áreksturinn á Reykjanesbraut við Stekk
Eftir hádegið á laugardag var tilkynnt um árekstur tveggja bifreiða á gatnamótum Reykjanesbrautar og Stekks á Fitjum. Bifreið sem ekið var Stekk var ekið í veg fyrir bifreið sem kom austur Reykjanesbraut. Ökumenn og farþegi sem var í annarri bifreiðinni sluppu án teljandi meiðsla, annar ökumaðurinn kenndi þó eymsla í hálsi og ætlaði að leita til læknis vegna þessa. Allmikið tjón var á bifreiðunum og var önnur bifreiðin færð af vettvangi með kranabifreið.Árekstrar á þessu horni hafa verið mjög tíðir í gegnum árin. Þannig hefur lögreglan bókaða um tvo tugi umferðarslysa á þessu eina horni síðustu þrjú árin og að sögn lögreglu eru margir árekstrar sem verða á þessu horni mjög harðir. Umrætt horn er með góðu útsýni í allar áttir en hins vegar virðist brenna við að menn virði ekki hraðatakmörk en 70 km. hámarkshraði er á Reykjanesbraut við þessi gatnamót.
Eftir hádegið á laugardag var tilkynnt um árekstur tveggja bifreiða á gatnamótum Reykjanesbrautar og Stekks á Fitjum. Bifreið sem ekið var Stekk var ekið í veg fyrir bifreið sem kom austur Reykjanesbraut. Ökumenn og farþegi sem var í annarri bifreiðinni sluppu án teljandi meiðsla, annar ökumaðurinn kenndi þó eymsla í hálsi og ætlaði að leita til læknis vegna þessa. Allmikið tjón var á bifreiðunum og var önnur bifreiðin færð af vettvangi með kranabifreið.Árekstrar á þessu horni hafa verið mjög tíðir í gegnum árin. Þannig hefur lögreglan bókaða um tvo tugi umferðarslysa á þessu eina horni síðustu þrjú árin og að sögn lögreglu eru margir árekstrar sem verða á þessu horni mjög harðir. Umrætt horn er með góðu útsýni í allar áttir en hins vegar virðist brenna við að menn virði ekki hraðatakmörk en 70 km. hámarkshraði er á Reykjanesbraut við þessi gatnamót.
