Enn brennur Fernanda - nú í Helguvík

Flutningaskipið Fernanda hefur ekki brunnið í síðasta skiptið. Nú er nýlokið við að slökkva talsverðan eld sem kom upp í flaki skipsins nú áðan þar sem það er í Helguvík.

Unnið er að því að rífa skipið niður í brotajárn og var verið að logskera í skipinu þegar eldurinn kom upp. Talsverðan reyk lagði frá Helguvík.

„Það sem tók Slökkvilið Höfuðborgarsvæðisins marga daga, afgreiddi ein vakt hjá Brunavörnum Suðurnesja á nokkrum mínútum,“ sagði slökkviliðsmaður á vettvangi í samtali við Víkurfréttir og brosti.

Meðfylgjandi myndir voru teknar á vettvangi. VF-myndir: Hilmar Bragi