Enn á hafsbotni

Bátur sem sökk í Njarðvíkurhöfn fyrr í sumar liggur enn á botni hafnarinnar. Að sögn Péturs Jóhannssonar, hafnarstjóra Reykjaneshafnar, hafa hafnaryfirvöld beðið átekta þar sem eigandi bátsins segist vera að vinna í að koma honum á þurrt. Hins vegar verði ekki beðið endalaust. Því megi búast við að eitthvað verði gert í málinu innan tíðar.
Olíubrák hefur sést í kringum bátinn og segir Pétur hana ekki áhyggjuefni þar sem um lítilsháttar smit sé að ræða.
---

VFmynd/elg.