Engin starfsemi fyrirtækja í Grindavík í dag

Samkvæmt ákvörðun lögreglunnar á Suðurnesjum er fyrirtækjum í Grindavík óheimilt að fara til vinnu í bænum í dag. Ástæðan er að enn er neyðarstig almannavarna. Enn gýs í nágrenni Grindavíkur og hætta er á að hraun renni yfir Suðurstrandarveg. Það myndi fækka flóttaleiðum úr bænum og valda aukinni hættu á eiturgufum.

Í fyrramálið verður staðan tekin aftur.