Engin mengun í Vogum
Ekki þarf lengur að sjóða neysluvatn
Engin mengun mældist í sýnum sem Heilbrigðiseftirlit Suðurnesja tók úr neysluvatni í Vogum í gær, mánudaginn 8. september. Ekki er því lengur þörf á að sjóða neysluvatn í varúðarskyni. Þetta kom fram í tilkynningu sem barst frá heilbrigðiseftirlitinu fyrr í dag. Embættið mun áfram hafa sérstakar gætur á gæðum neysluvatns í Vogum næstu vikur og miðla upplýsingum þar um til bæjarbúa.
