Engan veginn eðlileg og sanngjörn húsaleiga

Bæjarráð Reykjanesbæjar hefur veitt Fasteign ehf heimild til að að hefja framkvæmdir við búningsklefa við Sunnubrautarvöll á grundvelli fyrirliggjandi teikninga og kostnaðaráætlunar sem lagðar voru fram á fundi bæjarráðs í morgun. 
Þetta var samþykkt með 3 atkvæðum meirihlutans gegn 2 atkvæðum minnihlutans sem lagði fram eftirfarandi bókun:
 
„Samþykkjum byggingu búningsklefa við Keflavíkurvöll en leggjum til að verkið verði boðið út af hálfu Reykjanesbæjar og byggt í eigin reikning. Húsaleiga af slíku mannvirki skv. fyrirliggjandi tilboði frá Fasteign hf. er að lágmarki kr. 450.000,- á mánuði fyrir 270 m2 eign og þá er meðtalið 50m2 geymslurými. Það getur engan veginn talist eðlileg og sanngjörn húsaleiga og því eðlilegt að leita annarra leiða.“