Endurgreiða ekki tónlistarskólagjöld
– en ætla að bjóða aukið samspil og aukatíma
Bæjarráð Sandgerðisbæjar leggur til við bæjarstjórn að ekki verði um endurgreiðslur á skólagjöldum að ræða vegna verkfalls tónlistarskólakennara FT. Þess í stað verði nemendum boðið upp á aukið samspil og aukatíma eftir því sem við verður komið.
Bæjarráð hafði óskað eftir frekari upplýsingum frá skólastjóra tónlistarskólans og fyrir fundinum lá samantekt skólastjóra tónlistarskóla Sandgerðis vegna fyrirspurnar um endurgreiðslu á tónlistarskólagjöldum vegna verkfalls tónlistarskólakennara FT .
