Bláa Lónið - 01apíl.
Bláa Lónið - 01apíl.

Fréttir

  • Endar slökkvistöðin á Keflavíkurflugvelli?
    Njarðarbraut 11 er einn möguleiki fyrir nýja slökkvistöð.
  • Endar slökkvistöðin á Keflavíkurflugvelli?
    Slökkvistöðin á Keflavíkurflugvelli
Föstudagur 19. september 2014 kl. 10:26

Endar slökkvistöðin á Keflavíkurflugvelli?

– samþykkt að ráðast í faglega úttekt á húsnæðismálum

Stjórn Brunavarna Suðurnesja [BS] samþykkti nýverið að fara í úttekt á húsnæðismálum Brunavarna Suðurnesja. Í vor gerði þáverandi stjórn kauptilboð upp á röskar 40 milljónir í fasteign að Njarðarbraut 11 í Reykjanesbæ. Seljandi samþykkti tilboðið en hins vegar hafa aðildarsveitarfélög Brunavarna Suðurnesja ekki öll samþykkt kaupin. Garður og Vogar hafa samþykkt en málið er enn að veltast um stjórnsýsluna í Reykjanesbæ.

Ný stjórn er kominn yfir Brunavarnir Suðurnesja eftir bæjarstjórnarkosningar í vor og nú fer Kristján Jóhannsson fulltrúi Reykjanesbæjar með formennsku í stjórninni. Á fundi stjórnar BS nýverið var farið yfir húsnæðismál slökkviliðsins og velt upp ýmsum möguleikum.

Þeir möguleikar sem eru í stöðunni er að byggja nýtt hús, ráðast í viðbyggingu við núverandi aðstöðu að Hringbraut 125, ganga frá kaupum á Njarðarbraut 11 eða flytja slökkvistöðina á Keflavíkurflugvöll.

Brunavarnir Suðurnesja geta fengið aðstöðu í slökkvistöðinni á Keflavíkurflugvelli en Isavia fyrirhugar að byggja nýja þjónustumiðstöð þar sem flugvallarslökkviliðið mun fá aðstöðu. Sú aðstaða verður þó ekki klár fyrr en árið 2017.

Stjórn BS hefur samþykkt að ráðast í faglega úttekt á húsnæðismálum og hefur því óskað eftir því við bæjarráð aðildarsveitarfélaga að fá fjárveitingu til að kosta úttektina sem síðan verður lögð fyrir bæjarráðin.

Public deli
Public deli