Ellisif Tinna leyst undan starfsskyldum

Frá og með 1. september 2010 hefur Ellisif Tinna Víðisdóttir, forstjóri Varnarmálastofnunar verið leyst undan reglubundnum starfsskyldum sínum, þ.m.t. stjórn stofnunarinnar og ábyrgð á daglegum rekstri. Er þetta í samræmi við 20 gr. laga nr. 98/2010 um breytingar á varnarmálalögum sem tóku gildi fyrr í sumar.

Við þessi tímamót er áætluð rekstrarafkoma Varnarmálastofnunar um 190 milljónum undir áætlun. Rekstaráætlun tímabilsins gerði ráð fyrir kostnaði upp á 683 milljónir, en þann 1. september voru bókfærð gjöld um 487 milljónir. Einhverjir reikningar til stofnunarinnar gætu þó átt eftir að berast stofnuninni.