Ellefu teknir fyrir utanvegaakstur

Tíu ökumenn mótorhjóla og einn ökumaður bifreiðar voru kærðir fyrir akstur utan vega þar sem þeir óku um Sandvík á Reykjarnesi í gær. 
Akstur vélhjóla utan vega er bannaður nema á þar til afmörkuðum svæðum.
Þá var tilkynnt um eld í gámi fyrir utan trésmiðjuverkstæði við Brekkustíg í Njarðvík. Slökkvilið kom á vettvang og slökkti eldinn og reyndust skemmdir óverulegar.
Einn aðili gisti fangaklefa lögreglunnar vegna ölvunar á almannafæri.
Í gærkvöldi var einn ökumaður kærður fyrir hraðakstursbrot á Grindavíkurvegi.
Næturvaktin hjá lögreglunni á Suðurnesjum leið án tíðinda en lögreglan vill vara við mjög mikilli hálku eftir næturfrostið.