Eldvarnir: Sjálfvirkur slökkvibúnaður fyrir sjónvörp

Fyrirtækið H. Blöndal ehf. í Grindavík hefur um nokkurt skeið flutt inn slökkvitæki sem sérstaklega eru ætluð fyrir sjónvörp. Geysilegur skaði getur orðið vegna sjónvarpsbruna og ef myndlampinn nær að springa myndast við það mikil sprenging og eldagnir skjótast um allt. Hægt er að slökkva á flestum sjónvarpstækjum með fjarstýringu og þar af leiðandi helst straumurinn enn á tækinu og er brunahættan því stöðug. Þetta tæki er því góð lausn fyrir fólk enda um að ræða lítinn og handhægan búnað sem smellt er aftan á sjónvarpið.
Hrafn Jónsson eldvarnaeftirlitsmaður hefur séð um uppsetningu á búnaðinum og segir að viðtökurnar séu mjög góðar: „Við höfum fengið frábærar viðtökur hjá fólki. Fólk er að gera sér grein fyrir hvílík slysagildra sjónvörpin geta verið og er þakklátt fyrir að geta loksins varið sig og sína. Mjög margt fólk er með mörg sjónvarpstæki á heimilum sínum, inni hjá börnunum og víðar. Yfirleitt er aðeins slökkt á tækinu með fjarstýringu þannig að spennan er til staðar í tækinu“ segir Hrafn og bætti því við að einnig gæti kviknað í tækinu meðan verið væri að horfa á það.
Búnaðurinn hefur verið prófaður með frábærum árangri af Slökkviliði höfuðborgarsvæðisins og tryggingafélögum og er samþykkt af Hollustuvernd ríkisins.
Búnaðurinn er á mjög góðu verði, kostar kr. 6900 með uppsetningu. Hægt er að nálgast búnaðinn hjá Hrafni Jónssyni, eldvarnaeftirlitsmanni í síma 848-0279 og 848-8798.


Ljósmyndin sýnir hvernig eldur í sjónvarpi getur blossað upp og á innfelldu myndinni sést slökkvitækið.