Eldur í sófa á Suðurgötu

Slökkvilið Brunavarna Suðurnesja var kallað út í gær vegna eldsvoða í íbúð við Suðurgötu í Keflavík. Eldur hafði komið upp í sófa í íbúðinni.

Þegar slökkvilið og lögregla komu á staðinn hafði húsráðandi borið logandi sessur úr sófanum út úr íbúðinni þar sem slökkviliðsmenn slökktu eldinn.

Húsráðandi brenndist minniháttar á höndum í slökkvistarfinu.