Eldur í smábáti á hafi úti

Björgunarskipið Hannes Þ. Hafstein í Sandgerði var kallað út rétt eftir klukkan níu í morgun. Eldur hafði komið upp í tæplega fimm tonna plastbáti sem var staddur 6 mílur norðvestur af Garðskaga.  Einn maður var um borð í bátnum. Þegar að björgunarskipið kom að hafði maðurinn náð að slökkva eldinn en ekki tókst að koma vélinni aftur í gang. Ekkert amaði að skipsverjanum. Björgunarskipið Hannes Hafsteinn tók bátinn á síðuna og sigldi með hann til Sandgerðis .

VFmyndir/elg - Hann Þ. Hafstein kemur til Sandgerðis með bátinn.