Eldur í rusli læsti sig í klæðningu á húsnæði Suðurflugs

Eldur kom upp í rusli við húsnæði Suðurflugs á Keflavíkurflugvelli á laugardag. Eldurinn logaði í ruslakeri og var byrjaður að læsa sig í klæðningu á húsnæðinu þegar slökkvilið kom á staðinn.

 

Útkall barst Brunavörnum Suðurnesja kl. 13:10 á laugardag en fjölmennt slökkvilið frá Isavia var sent á staðinn og slökkti það eldinn fljótt og örugglega.

 

Auk Suðurflugs þá er Isavia með svokallað Silfurhlið Keflavíkurflugvallar við húsið.