Eldur í lendingarbúnaði herþotu í Keflavík
- Flugbraut lokuð vegna óhappsins
Töluverður viðbúnaður var á Keflavíkurflugvelli um hádegisbil þegar ítölsk herþota lenti í vandræðum við lendingu á Keflavíkurflugvelli. Bilun kom upp í hjólabúnaði. Eldur mun hafa komið upp í hjólabúnaðinum við lendingu.
Orrustuþotan lenti á austur-/vestur flugbrautinni og er norður-/suður flugbrautin nú í notkun fyrir komur og brottfarir flugvéla frá Keflavíkurflugvelli. Framkvæmdir standa þó yfir á norðurenda brautarinnar og því er því brautarlengdin skert. Gert er ráð fyrir að flug geti hafist aftur um austur-/vestur flugbrautina um kl. 16.
Ítalska flugsveitin er með sex Eurofighter Typhoon F-2000 herþotur hér á landi en sveitin sinnir hér loftrýmisgæslu í annað sinn.
Myndirnar voru teknar þegar þotan var dregin í burtu af flugbrautinni nú áðan. VF-myndir: Hilmar Bragi
