Eldur borinn að skátaheimili Heiðabúa

Síðastliðnar þrjár helgar hefur verið ráðist að skátaheimili Heiðabúa í Keflavík og eldur var m.a. lagður að húsinu og rúða brotin. Heiðabúar eru slegnir yfir þessum skemmdarverkum en ekki er búið að finna þá sem bera ábyrgð á verknaðinum.

Fyrir tveimur vikum var grjóti kastað í glugga og síðan var kveikt í plötu sem sett var í stað glers­ins um síðustu helgi. Aftur var svo kveikt í sömu plötu í glugganum. Morgunblaðið greinir frá en Vil­borg Norðdal, fé­lags­for­ingi Skáta­fé­lags­ins Heiðabúa, segist í samtali við blaðið ekki vita um ástæður þessarra skemmdarverka.

„Okk­ur dett­ur bara ná­kvæm­lega ekk­ert í hug. Maður get­ur fyr­ir það fyrsta ekki ímyndað sér að ein­hverj­um detti í hug að gera þetta og í ann­an stað eng­an ein­stak­ling sem gæti gert þetta. Skáta­fé­lagið á ekki sök­ótt við einn eða neinn,“ seg­ir Vil­borg við mbl.is.