Eldur borinn að nýbyggingu í Innri Njarðvík

Slökkvilið Brunavarna Suðurnesja var kallað út rétt áðan að Lómatjörn í Innri Njarðvík. Þar hafði eldur verið borinn að nýbyggingu í götunni.

Þegar slökkvilið og lögregla komu á vettvang loguðu eldar á tveimur stöðum í húsi sem hefur verið í byggingu í mörg ár. Slökkviliðsmenn voru fljótir að ráða niðurlögum eldsins sem hafði verið kveiktur í einangrunarplasti inni í húsinu.

Tjón varð ekki mikið en lögreglan á Suðurnesjum fer með rannsókn málsins.