Eldsvoði: Barnið bjargaði

Tilkynnt um mikinn reyk  í íbúð við Brekkustíg í Reykjanesbæ á fjórða tímanum í nótt.  Þar hafði komið upp eldur í þurrkara og mátti litlu muna að illa færi.  Í íbúðinni sváfu ungt par ásamt ungabarni sínu.  Engir reykskynjarar voru í íbúðinni en barnið raskaði næturró foreldranna sem þá urðu vör við mikinn reyk inn í íbúðinni, samkvæmt upplýsingum frá lögreglunni á Suðurnesjum.

Slökkviliðið reyklosaði íbúðina þegar búið var að slökkva eldinn í þurrkaranum.  Foreldrarnir fóru með barnið til skoðunar á Heilbrigðisstofnun Suðurnesja en þeim mun ekki hafa orðið meint af.