Eldgos á rúmlega kílómetra sprungum
Rannsóknarstofa í eldfjallafræði og náttúruvá hjá Háskóla Íslands hefur birt uppfærð kort af gossprungunum frá því um klukkan sjö í kvöld (10. júlí).
Sú nyrðri var á þeim tíma 843 metrar en sú syðri 223 metrar. Þetta gerir samtals 1.066 metra.
Aðstæður við eldstöðvarnar breytast hratt og hraunið breiðist ört út.
Á þessum tíma var það t.d. komið að suður enda Litla Hrúts að austanverðu. Þessi gögn verða uppfærð, segir á síðu rannsóknarstofunnar.
Hér að neðan má sjá streymi úr einni af vélum RÚV í Litla-Hrúti.
